Bakıda oğrular mənzili "taladılar"

Bakıda mənzildən külli miqdarda pul və qızıl oğurlanıb.

Sfera.az bildirir ki, Xəzər Rayon Polis İdarəsindən APA-ya verilən məlumata görə, hadisə Mərdəkan qəsəbəsində qeydə alınıb. Qəsəbə sakini Tünzalə Nəhmətovanın evinə pəncərədən daxil olan naməlum şəxs və ya şəxslər 16 min manat pul və xeyli miqdarda qızıl-zinət əşyaları aparıblar.
 
Hazırda polis hadisəni törədən şəxs və ya şəxslərin müəyyən edilərək tutulması istiqamətində axtarışları davam etdirir.