Avtomobillə metronun "İçərişəhər" stansiyasına doğru getməyin
Məlum olduğu kimi, Avropa Qran-Prisinin Azərbaycandakı təşkilatçısı Bakı Şəhər Halqası
Əməliyyat Şirkəti bu il iyun ayında keçiriləcək Formula 1 yarışı ilə bağlı hazırlıq işlərini davam
etdirir. Paytaxtın yarış trekinin üzərinə düşən mərkəzi küçələrində təmir-tikinti işləri qismən aparılır.
Milli.Az xəbər verir ki, su borularının dəyişdirilməsi ilə əlaqədar olaraq Şeyx Şamil küçəsindən
sola dönərək İstiqlaliyyət küçəsi ilə avtomobillərin hərəkətinə fevralın 10-u (bu gecə) saat 00:00-da
qadağa qoyulacaq. Bu küçədə avtomobillərin hərəkətinə qoyulmuş qadağa fevralın 10-u səhər saat
08:00-da aradan qaldırılacaq.
Eyni zamanda, sadəcə gecə saatlarında davam edəcək təmir işləri ilə əlaqədar fevralın 10-u və 11-i
saat 00:00-dən etibarən Niyazi küçəsindən sağa dönərək İstiqlaliyyət küçəsi istiqamətində avtomobillərin
hərəkətinə icazə verilməyəcək. İstiqlaliyyət küçəsində hər iki gecə tətbiq olunacaq qadağa səhər saat
08:00-da aradan qaldırılacaq.
Xatırladaq ki, yarışdan öncə salınacaq və Formula 1 yarışı standartına cavab verən yenilənmiş yollar
daimidir. Bu yollar Qran-Pridən sonra paytaxt sakinlərinin istifadəsində olacaq.
