“Bəzi qüvvələr sosial şəbəkələrin verdiyi imkanlardan sui-istifadə edir”
Gündəm
18:12 / 29.03.2018
2853
"Azərbaycanda demokratik ənənələr çox yüksək səviyyədədir. Ona görə də bəzi qüvvələr sosial şəbəkələrin verdiyi imkanlardan sui-istifadə edirlər”.
Bu sözləri Sfera.az-a açıqlamasında "Azərbaycan” Nəşriyyatının Baş direktoru Ağabəy Əsgərov bildirib.
Ağabəy Əsgərov xaricdən Azərbaycan əleyhinə söyüş kampaniyası aparan şəxslərin xarici qüvvələr tərəfindən dəstəkləndiyini söyləyib:
"Bilirsiz, həmin şəxslər özbaşına hərəkət etmirlər, onlara göstəriş verən dairələr var. Onlar söyüş muzdularıdır. Gedib qrant alıb, Azərbaycan əleyhinə qarayaxma kampaniyası aparırlar. Ancaq onların Azərbaycandakı ictimai rəyə heç bir təsiri yoxdur. Onların hərəkətləri Azərbaycan cəmiyyətində yalnız və yalnız ikrah hissi doğurur”.
Baş direktor qeyd edib ki, həmin şəxslərə qarşı Azərbaycan vətəndaşları və ictimaiyyət nümayəndələri daha fəal olmalıdır:
"Söyüş söymək acizliyin və zəifliyin əlamətidir. Adətən, insanda cavab verməyə arqument olmayanda dərhal söyüşə, təhqirə keçir. İndi xaricdəki həmin şəxslər də zəif və aciz adamlardır. Azərbaycan dövləti istəsə, onların qarşısını alar. Sadəcə olaraq, biz demokratik dövlətik”.
Orxan Bəşirov
