"Prezident seçilsəm, Vidadi İsgəndərlinin qolunu qandallayıb Azərbaycana gətirəcəm" - Hafiz Hacıyev

 

Hətta Vidadi İsgəndərli Fransada oturub, videolarında Azərbaycanı terorla hədələyir. 

Bəs Azərbaycan bu "söyüş müxalifəti"nin üzvlərinə qarşı hər hansı addımlar atacaqmı?

"Müasir Müsavat” partiyasının sədri, prezidentliyə namizəd Hafiz Hacıyev Sfera.az-a açıqlamasında Vidadi İsgəndərlinin keçmişi ilə bağlı qaranlıq məqamlardan danışıb və onun xalqı zərrə qədər düşünmədiyini deyib: 

"Bir neçə dəfə seçkilərlə əlaqədar olaraq təşkil olunan teledebatlarda bu məsələni qaldırmışdım. Çox sağ olsun, dövlətin səlahiyyətli nümayəndələri bununla bağlı açıqlama veriblər. Vidadi İsgəndərli o vaxt dəfələrlə rüşvət üstündə tutulub, bir müddət sonra qaçıb, hər zaman dövlətə-millətə xəyanət edib. Bəziləri onun qəhrəman olduğunu, xalqın dərdinə yandığını düşünürdülər.  Əslində isə Vidadi İsgəndərli bandit olub, xarici kəşfiyyata işləyib”. 

H.Hacıyev Vidadi İsgəndərlinin qollarının qandallanaraq Azərbaycana gətirilməsini tələb edir: 

"Tələb edirəm ki, o İnterpol vasitəsilə Azərbaycana gətirilsin, qanun qarşısında cavab versin. Xarici kəşfiyyatçılar onu ələ alıblar. Xarici İşlər Nazirliyinə üz tutaraq deyirəm ki, onun ekstradisiyası tələb olunsun. Prezident seçilsəm, onu qolu bağlı Azərbaycana gətirib ittiham edəcəm. İŞİD, ASALA ilə Vidadi İsgəndərli arasında heç bir fərq görmürəm. O namussuz bir insandır. Buna baxmayaraq tez-tez namusdan danışıb özünü biabır edir”.

Sfera.az