Arif Babayevin mədəniyyətimizə verdiyi töhfələr əvəzsizdir - Elnur Allahverdiyev

Keçmiş millət vəkili, siyasətçi Elnur Allahverdiyev Azərbaycanın Xalq artisti, ustad xanəndə Arif Babayevin vəfatı ilə bağlı paylaşım edib. 

Sfera.az xəbər verir ki, Elnur Allahverdiyev paylaşımında Azərbaycanın böyük bir sənətkarı itirdiyini qeyd edib.

"Azərbaycanın Xalq artisti, ustad xanəndə, muğam sənətimizin korifeyi, professor Arif Babayevin vəfatı xəbəri hamımızı dərindən sarsıtdı", - deyən Elnur Allahverdiyev Arif Babayevin  milli musiqimizin inkişafında, muğam məktəbinin yaşadılmasında müstəsna xidmətlər göstərmiş böyük sənətkar olduğunu bildirib:

"Arif Babayevin mədəniyyətimizə verdiyi töhfələr əvəzsizdir. O, bilik və zəngin təcrübəsini gənc ifaçılarla sevgi və fədakarlıqla bölüşürdü.

Arif müəllim Milli Məclisin VI çağırış deputatı olduğum dövrdə təmsil etdiyim dairədə mənim seçicim idi. Onu həmişə dərin hörmət və ehtiramla xatırlayacağam. 

Allah rəhmət eləsin!"

Altay