1a:T799,

Azərbaycanda akkreditə olunmuş diplomatik korpus nümayəndələri Laçına səfərləri çərçivəsində “Hoçazfilm” yaradıcılıq studiyası və “Yurd” xalça qalereyasına baş çəkiblər.

Sfera.az xəbər verir ki, səfər zamanı nümayəndələr studiyada filmlərdə istifadə olunan müxtəlif maketlərlə tanış olublar.

Qonaqlara bu maketlərin hazırlanması prosesi və kino istehsalında rolu barədə ətraflı məlumat verilib.

Ardınca “Yurd” qalereyasında nümayəndələrə Qarabağ xalçaları təqdim olunub. Laçında toxunan xalçalar qonaqların xüsusi marağına səbəb olub. Səfər iştirakçılarına xalçaçılıq prosesi – o cümlədən ilmə atma texnikası – əyani şəkildə nümayiş etdirilib.

Qeyd edək ki, səfərdə səfirlər, beynəlxalq təşkilatların nümayəndələri, hərbi attaşelər də daxil olmaqla 100-ə yaxın diplomat iştirak edir. Nümayəndə heyətini Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edir.

Diplomatik korpusun nümayəndələri səfər proqramı çərçivəsində iyunun 21-də Şuşa və Ağdam şəhərlərinə də baş çəkəcəklər.

4:[["$","script",null,{"type":"application/ld+json","dangerouslySetInnerHTML":{"__html":"$18"}}

Xarici diplomatlar Laçında - Qarabağ xalçaları nümayiş OLUNDU - FOTO