Rüfət Əzizov ADNA terroru qurbanlarını yad edib - FOTO

Azərbaycan Dövlət Neft və Sənaye Universitetinin (ADNSU) rektoru Rüfət Əzizov ADNA terroru qurbanlarını yad edib.

Sfera.az  xəbər verir ki,  R.Əzizov bu barədə öz sosial şəəbkə hesabında yazıb.

“Dəhşətli faciədən 16 il ötür. Allah rəhmət eləsin!”, - paylaşımda qeyd olunub.

Xatırladaq ki, terror aktı 2009-cu il aprelin 30-u səhər saat 09:30-da baş verib.

 
ADNA-nın Bakı şəhəri Dilarə Əliyeva küçəsi, 227 saylı ünvanda yerləşən ikinci korpusuna daxil olan silahlı şəxs inzibati binanın birinci mərtəbəsindən altıncı mərtəbəsinədək qarşısına çıxan hər kəsə “Makarov” tipli tapançadan atılan atəşlə xəsarət yetirib.Terror aktı nəticəsində 13 nəfər dünyasını dəyişib. İstintaq materiallarına və şahid ifadələrinə görə, cinayətkar şəxsləri əsasən baş və boyun nahiyəsindən güllələyib. Gülləyə tuş gələnlərin içərisində akademiyanın professorları, laborantlar, tələbələr, müəllimlər, qapıçı və hətta yeməkxanaya süd məhsulları gətirən yaşlı bir qadın da olub.

Firuzə

Sfera.az