Azərbaycanda hərbi xidmətə çağırış başlayıb
Bu gündən Azərbaycan vətəndaşlarının müddətli həqiqi hərbi xidmətə növbəti çağırışı başlayıb.
Sfera.az xəbər verir ki, 2007-ci ildə doğulan və 18 yaşı tamam olan, habelə 1995–2006-cı illərdə doğulan, yaşı 30-dək olan, Azərbaycan Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş vətəndaşlar 2025-ci il aprelin 1-dən müddətli həqiqi hərbi xidmətə çağırılırlar.
Çağırış aprelin 30-dək davam edəcək.
Xatırladaq ki, Prezident İlham Əliyev fevralın 14-də Azərbaycan vətəndaşlarının 2025-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında sərəncam imzalayıb.
