"Uşaq bağçasında uçqun qeydə alınmayıb" -Təhsil İdarəsindən açıqlama

Bərdə şəhər 4 nömrəli körpələr evi-uşaq bağçasının inzibati binasında heç bir uçqun və dağıntı halı qeydə alınmayıb. 

Bu barədə Sfera.az-a Qarabağ Regional Təhsil İdarəsindən məlumat verilib. 

"Hadisə müəsssiənin qarşısında yerləşən yaşayış binasının eyvan hissəsində baş verib. Bağçanın binasına hər hansı bir zərər dəyməyib",-məlumatda bildirilib. 
Qeyd edək ki, xəbər saytlarında Bərdə şəhər Təbriz küçəsində 4 saylı uşaq bağçası körpələr evində uçqun olması və uçqun altında bir nəfər az yaşlının olduğu iddia olunmuşdu. 

Firuzə Əliyeva