Pərdə mövsümü bitir - 1 HƏFTƏ QALDI - VİDEO

Avtomobillərin yan şüşələrində sənaye üsulu ilə quraşdırılan pərdə və plyonkalara verilən icazə noyabrın 15-də başa çatır. Yol polisi noyabrın 16-dan artıq bu qaydaya əməl etməyənlərə qarşı reydlərə başlayacaq. Bəs qanunu pozanı hansı cərimə gözləyir?

Avtomobillərin yan şüşələrindəki pərdə və plyonkalara görə reydlərin başlamasına artıq bir həftə qaldı.

Sfera.az xezerxeber.com-a istinadən bildirir ki, qanunla may ayının 1-dən sənaye üsulu ilə yan şüşələrə vurulan pərdə və plyonkalara verilən icazə müddəti noyabr ayının 15-də başa çatır.

İcazə verildiyi müddətdə bir çox sürücü avtomobilin yan şüşəsinə görünüşü bir qədər məhdudlaşdıran plyonka vurur. Bu da mövsümün sonunda yol polisi ilə sürücü arasında mübahisələrə səbəb olur. Bakı Şəhər Dövlət Yol Polisi idarəsinin bölmə rəisi Vaqif Əsədov bildirdi ki, mayın 1-dən noyabr 15-dək yalnız sənaye üsulu ilə avtomobillərə quraşdırılan pərdə və plyonkalara icazə verilir. Kustar üsulla quraşdırılan pərdələrə və yan şüşəyə vurulan plyonkaya ümumiyyətlə heç vaxt icazə verilmir.

İcazə müddətinin başa çatmasına bir neçə gün qalsa da sürücülərin bir çoxu bundan xəbərsizdi.