Xəbər verdiyimiz kimi, 26 may tarixindən etibarən Bakıda “TEKNOFEST Azərbaycan” Aerokosmik və Texnologiya Festivalı keçirilir.

Bu festivalda müxtəlif bacarıqlı komandalar öz proyektlərini təqdim edir. Bu komandalardan biri də "TechnoCad" komandasıdır. "TechnoCad" komandası "Smart Trashbin" adlı proyekti ilə Festivala qoşulub. "TechnoCad" komandası, komandanın kapitanı Mehdi Musayev və layihələri barədə qısa məlumat verək:

Mehdi Musayev 21.08.2009 tarixində Bakı şəhərində anadan olub. 2015-ci ildə Arif Hüseynzadə adına 20 nömrəli məktəb-liseyinə daxil olub. Hal-hazırda 7-ci sinif şagirdi olan Mehdi balaca yaşlarından texnikaya marağı olub və müxtəlif müsabiqələrdə nəaliyyətlər əldə edib, daim şagirdlər arasında bacarıqları və uğurları ilə fərqlənib.Hal-hazırda "STEP IT Academy"nin telebesidir. 6-cı sinifdə Respublika Riyaziyyat olimpiadasında 3-cü yeri tutub. "Nə? Harada? Nə zaman?" müsabiqəsində ilk 3-lüyə daxil olub. Şahmat üzrə 3-cü dərəcədir. "Sabahın alimləri" müsabiqəsi üçün ‘Elektromaqnit’ generatoru proyektini hazırlayıblar.

“TEKNOFEST” müsabiqəsinə qatılan 141 komandadan final mərhləsinə keçən 25 komandadan biri olub. Kapitanı olan "TechnoCad" komandasiının "Smart Trashbin" proyektinin əsas 2 məqsədi var. İş prinsipi: zibil qutusunun üzərində olan qapağın əlimizi 4sm-dən az məsafədə yaxınlaşdırdıqda servomotor sayəsində 180 dərəcə dönməsidir. Komanda həm gigiyenanı, həm də əlil insanları düşünüb. Bildiyimiz kimi, biz əlimizi qapağa vurarken əlimizə bakteriya keçə bilər. Bundan əlavə, əlillərimiz ayaqla açılan zibil qutularını aça bilmədiyi üçün "TechnoCad" komandası bu layihəni yaradıb. Onlar gələcəkdə bu proyektin isğaldan azad olunmuş ərazilərdə də istifadə olunmasını istəyirlər. Həm də komanda bu proyekti gələcəkdə tükənməyən günəş enerjisi - günəş panelləri ilə etmək istəyirlər.

Qeyd edək ki, Mehdi Musayev bu yay "Gələcəyin mühəndisləri" müsabiqəsində iştirak edib, qalib olmaq arzusundadır.