Yollarda COVİD-19 pasportunun yoxlanması üçün postlar qurulacaq? – DİN-dən AÇIQLAMA
Gündəm
11:23 / 01.11.2021
1445
Bu gündən
rayonlara gedən sərnişinlərdən koronavirusa qarşı vaksinin ikinci dozası tələb
olunur.
Maraqlıdır,
yoxlanış prosesi hansı şəkildə həyata keçiriləcək? Yollarda yeni yoxlanış
postlarının qurulması gözlənilirmi?
Məsələ
ilə bağlı Sfera.az-a açıqlama verən Daxili İşlər Nazirliyinin (DİN) KİV və
ictimaiyyətlə əlaqələr şöbəsinin rəisi, polis mayoru Elşad Hacıyev yollarda
yeni postların qurulacağı haqda iddialara aydınlıq gətirib:
"Yollarda
yoxlanış məqsədilə əlavə postların qurulması nəzərdə tutulmur. Bu gündən etibarən
əvvəlki qaydaya uyğun olaraq stasionar postlarda xidmətə cəlb olunan əməkdaşlarımız tərəfindən
normaların həyata keçirilməsinə nəzarət olunacaq. Vaksin pasportunun
olub-olmaması ilə bağlı nəzarət bu gündən etibarən təmin olunur”.
Qeyd edək
ki, rayonlara gedən sərnişinlərdən vaksin pasportu Nazirlər Kabineti yanında
Operativ Qərargahın sentyabrın 24-də qəbul etdiyi qərara uyğun olaraq həyata
keçirilir.
Əzizə
Zeynal
