Yaxşısı budur, şəhərin mərkəzinə doğru avtomobilsiz gedin
Bakının mərkəzi küçələrində nəqliyyatın sıxlığı və tıxaclar var.
Nəqliyyatı İntellektual İdarəetmə Mərkəzindən (NİİM) Milli.Az-a bildiriblər ki, iyunun 14-də səhər saatların etibarən paytaxtın Babək, Ziya Bünyadov, Azadlıq prospektlərində, eləcə də Rəşid Behbudov, Şah İsmayıl Xətai, Akademik Həsən Əliyev, Əbdüləzəl Dəmirçizadə, Üzeyir Hacıbəyov, Yusif Səfərov küçələrində, həmçinin bir sıra digər yollarda nəqliyyatın sıxlığı müşahidə olunur.
Nəqliyyat vasitələrinin sürücülərinə alternativ yollara üstünlük vermələri tövsiyə olunur.
Qeyd edək ki, Bakıda ilk dəfə təşkil olunan "Formula-1" üzrə Avropa Qran-prisi yarışının yüksək təhlükəsizlik şəraitində keçirilməsi məqsədi ilə paytaxtın mərkəzi küçə və prospektlərində ötən gecə saat 00:00-dan etibarən avtomobillərin hərəkətinə tam məhdudiyyət qoyulmaqla, istiqamət dəyişdirilib. Paytaxt yollarında nəqliyyatın nisbı sıxlığının artması da məhz bununla izah olunur.
