Tanınmış aktyor Gömrük Komitəsinin qərarını “Nağıllar aləminə səyahət” adlandırdı

"Çox düşündüm və belə qərara gəldim ki, Dövlət Gömrük Komitəsi-nin son düzəlişi birmənalı şəkildə ləğv olunmalıdır”.

Sfera.az xəbər verir ki, bu sözləri tanınmış aktyor və aparıcı İlkin Həsənli özünün sosial şəbəkə hesabında yazıb.

"Hətta səbr edib, komitə sədrinin 30 dəqiqəlik intervyusunu da dinləyib, yarım saatlıq nağıllar aləminə səyahət etdim. Bu gün komitə olaraq siz yerlə sürünən və hətta intihar dərəcəsinə çatmış yerli sahibkara dəstək olmaqdansa, pandemiya ilə əlaqədar rüsumları müvəqqəti azaltmaqdansa, ağlınıza gələn yersiz qərarlar qəbul edirsiniz.

Arada mənə elə gəlir ki, kimsə bu məntiqsiz qərarlarla xalqın səbrini test edir, kabinet oradan, komitə buradan, qərargah da bu tərəfdən! Etməyin belə! Bu həssas dönəmdə yeni villalarınız haqqında deyil, çökmüş sahibkarlar haqqında düşünün!”