No Image

Güc strukturlarında, xüsusilə də orduda smartfon tipli telefonların istifadəsi dövlət təhlükəsizliyinə ziddir

Güc strukturlarında, xüsusilə də orduda smartfon tipli telefonların istifadəsi dövlət təhlükəsizliyinə ziddir
 Müasir informasiya texnologiyalarının sürətlə inkişafı həyatımıza bir sıra imkanlar, üstünlüklər verməklə yanaşı, yeni təhlükələrin meydana gəlməsinə səbəb olur. Xüsusilə də, ölkənin təhlükəsizliyi məsələsində.

"MediaPost” məlumat verir ki, hərbi qulluqçulara və hərbi sahəyə cəlb olunmuş digər şəxslərə hərbi hissələrin ərazisində, poliqonlarda, hərbi şəhərciklərdə, səhra təlimlərində smartfon tipli telefonlar, planşetlər, internetə çıxışı olan və kənar şəxslərə hərbi qulluqçunun olduğu yer haqqında məlumat ötürmə qabiliyyətli texnikadan istifadə qadağandır. Eyni zamanda, hərbi xidmət haqqında internetdə, o cümlədən sosial şəbəkələrdə paylaşımlar etmək, hərbi hissə ilə bağlı məlumat yaymaq qadağandır.

Bununla yanaşı, güc strukturlarında xidmət edən şəxslərin KİV nümayəndələri ilə münasibətləri də müvafiq qanunlarla tənzimlənir. KİV işçilərinə açıqlamalar ya icazə olduğu halda verilir, ya da bu işlə xüsusi şöbənin işçiləri məşğul olur. 

Ümumən, hərbi qulluqçulara sosial şəbəkələrdə məlumatlar yaymaq, jurnalistlərə şəkillər, videoçarxlar ötürmək və geolokasiya işarələrinin verilməsi qadağan edilir. Xatırladaq ki, bu qadağalar həm şəxsin özü haqqında, həm də xidmət etdiyi hərbi hissə və orada xidmət edənlərlə bağlı məlumatların yayılmasına aiddir. Məlumatların verilməsi ilə bağlı yalnız mətbuat xidməti işçilərinin icazəsi var. 

Nəzərinizə çatdırırıq ki, yuxarıda sadalanan texniki vasitələrin istifadəsi yalnız xidməti vəzifələrin icrası zamanı və ya xidmət yerində olarkən istifadəsi qadağandır. Xidmətdən azad olunma, məzuniyyət və ya istirahət günləri xidmət və peşəyə aid olan məlumatları yaymamaq şərtilə, həmin texniki vasitələrdən, o cümlədən sosial şəbəkələrdən istifadə sərbəstdir. 
 
 
Bununla yanaşı, ailə üzvləri ilə əlaqə yaradılması və digər xidmətə aid olmayan danışıqların aparılması üçün internetə çıxışı olmayan, videokamera və geolokasiya funksiyalarına malik olmayan sadə telefonlardan istifadə etmək məsləhət görülür. 

Silahlı Qüvvələrin fəaliyyətinin illərlə aparılan analizləri onu göstərir ki, hərbi qulluqçularımız xarici ölkələrin xüsusi xidmət orqanları, habelə terrorçu və ekstremist təşkilatları üçün xüsusi maraq kəsb edir.  

İlk növbədə bilməliyik ki, hərbi qulluqçuların sosial şəbəkələrdə özləri haqqında paylaşdıqları informasiyalar məhz onların özlərinə ziyandır və bundan onlara müxtəlif formalarda təzyiqlər edilməsi üçün istifadə edilə bilər. Buna sübut kimi, bu yaxınlarda NATO-nun analitikləri tərəfindən həyata keçirilmiş eksperimenti misal çəkə bilərik. Bu eksperimentdən sonra hamıya aydın oldu ki, sosial şəbəkələr vasitəsilə nəinki hərbi hissələrin dislokasiyasını asanlıqla müəyyən etmək, hətta hərbi qulluqçuları manipulyasiya etmək olar.

NATO-nun ekspertləri Avropada keçiriləcək təlimlərdən əvvəl saxta "Facebook” səhifələri yaradaraq, hərbi qulluqçularla münasibət qurmağa başladılar. Onlar nəinki ayrı-ayrı hərbi hissələrin yerini asanlıqla təyin edə bildilər, hətta əsgərləri hərbi nizam-intizamı pozmağa məcbur etdilər.
 
 
"MediaPost” məlumat verir ki, eksperimentin keçirilməsi zamanı hərbi qulluqçulara mənəvi-psixoloji təzyiqlərin edilməsi üçün məlumatlar da əldə edilmişdi. Məsələn, öz sevgi macəraları haqqında danışan evli şəxsləri şantaj etmək mümkün olmuşdu.

Yekun olaraq qeyd etmək lazımdır ki, güc strukturlarında, xüsusilə də orduda rabitə vasitələrinin istifadəsini tənzimləyən qanunlar dünyanın bir çox ölkələrində var. Məsələn, ABŞ-da hərbi qulluqçulara telefonları şəxsi ehtiyaclar üçün istifadə etməyə icazə verilir, lakin məxfi məlumatlar paylaşılarsa, hərbi qulluqçu hərbi tribunalın hökmü ilə cəzalandırılır.

Qeyd edək ki, cəbhənin Goranboy istiqamətində Ermənistan ordusunun kəşfiyyat-diversiya qrupunun rəhbəri, baş leytenant Qurgen Alaverdyanın tutulmasında iştirak edən hərbçilərə qarşı müvafiq cəza tədbirlərinin tətbiqi barədə yayılan xəbərlərə Müdafiə Nazirliyi aydınlıq gətirib.

Bildirilib ki, hərbçilər nizamnaməni pozduqları və orduda qadağan olunmuş smartfon tipli telefonlardan istifadə etdikləri üçün cəzalandırılıblar.

OXŞAR XƏBƏRLƏR

“Hər zaman fəxr etmişəm ki, həyatımın 9 ili Dövlət Neft Şirkətində keçib”

 "Mən neftçiləri qarşıdan gələn peşə bayramları münasibəti ilə təbrik etmək və onlara yeni uğurlar arzulamaq istəyirəm. Neftçilər hər zaman Azərbaycanda bö...

Prezident yerli telekanallara müsahibə verdi

Azərbaycan Respublikasının Prezidenti İlham Əliyev sentyabrın 19-da Azərbaycan Televiziyasına, İctimai Televiziyaya və Real Televiziyasına müsahibə verib. Sf...

BQXK qarşısında Dilqəm Əsgərov və Şahbaz Quliyev məsələsi qaldırıldı

 Bu gün Xarici İşlər naziri Ceyhun Bayramov Beynəlxalq Qırmızı Xaç Komitəsinin (BQXK) Azərbaycan nümayəndəliyinin rəhbəri Elena Aymone Sessera ilə görüşüb....

Natiq Cəfərli: O Azərbaycanda media və QHT sistemini bərbad hala salan adamlardandır

Əli Həsənov uzun illər Azərbaycanda media və qeyri-hökumət təşkilatlarında bərbad vəziyyətin yaranmasında rolu olan şəxslərdəndir Bu sözləri Sfera.az-a...

Prezident Şahin Mustafayevə yeni vəzifə verdi - SƏRƏNCAM

  Prezident İlham Əliyev "Azərbaycan-Çin Hökumətlərarası Ticarət-İqtisadi Əməkdaşlıq Komissiyasının Azərbaycan Respublikası tərəfindən tərkibi haqqında” A...

İlham Əliyevdən yeni SƏRƏNCAM

  Prezident İlham Əliyev Bakı şəhərinin Xətai rayonu ərazisində avtomobil yollarının yenidən qurulması işlərinin davam etdirilməsi ilə bağlı əlavə tədbirl...