Goranboyda 3 nəfərin xəsarət alması ilə nəticələnən yol qəzası baş verib.

 

Sfera.az "APA TV"yə istinaədn xəbər verir ki, hadisə rayonun Səmədabad kəndində qeydə alınıb.

 

Hərəkətdə olan "VAZ 2107" markalı minik maşını idarəetmədən çıxıb və yolun kənarına aşıb. Qəza zamanı 3 nəfər xəsarət alıb. Onlardan 1996-cı il təvəllüdlü İmamverdiyev Emin Qafar oğlu və 1997-ci il təvəllüdlü Yusifov İbarahim Əbülfət oğlu xəstəxanaya yerləşdirilib, bir nəfər isə yüngül xəsarət aldığından ona hadisə yerində tibbi yardım göstərilib. Hadisə yerinə DYP əməkdaşları və təcili tibbi yardım briqadası cəlb olunub. Faktla bağlı araşdırma aparılır.