Bütün məhəlləni ayağa qaldıran gəlin-qayınana davası iki nəfərin bıçaqlanması ilə nəticələnib.

Sfera.az bildirir ki, hadisə Türkiyənin İstanbul şəhərində baş verib. 

Məlumata görə, gəlin və qayınana naməlum səbəbdən dava ediblər. Gəlinin ərinin davaya qoşulması gərginliyi daha da artırıb.

Gəlin vəziyyəti qardaşlarına deyib. Beləliklə, iki ailə arasındakı dava məhəllə qarşıdurmasına çevrilib. Münaqişə zamanı gəlinin iki qardaşı bıçaqlanıb.

Hadisə yerinə polis əməkdaşları cəlb olunub. Hüquq mühafizəçiləri məhəlləni mühasirəyə alaraq, giriş-çıxışı bağlayıblar.

Davada yaralanan qardaşlar xəstəxanaya yerləşdirilib. Münaqişədə iştirak edənlər isə saxlanılıb.

(oxu.az)