No Image
No Image

Faiq Quliyev yaponiyalı həmkarı ilə görüşdü

Faiq Quliyev yaponiyalı həmkarı ilə görüşdü
Azərbaycanın Gürcüstandakı səfiri Faiq Quliyev yaponiyalı həmkarı İmamura Akira ilə görüşüb.

Sfera.az xəbər verir ki, bu barədə diplomatik nümayəndəlikdən bildirilib.

F.Quliyev həmkarını Gürcüstanda missiyasının başlaması münasibətilə səmimi qəlbdən təbrik edib, ona uğurlar diləyib. O, son müddət ərzində bölgədə cərəyan edən proseslər üzərində dayanaraq təqribən 30 il boyunca ölkəmizə qarşı davam edən təcavüzə, torpaqlarımızın işğalına son qoyulmasının, ərazi bütövlüyümüzün bərpa olunmasının nəinki təkcə Azərbaycan, bütün region üçün müsbət dəyişikliklərə gətirəcəyini bildirib.

İ.Akira öz tərəfindən Yaponiya ilə Azərbaycan arasında inkişaf edən münasibətlərin hər iki xalqın və ümumiyyətlə, bölgənin tərəqqisinə xidmət etdiyini vurğulayıb. O, Cənubi Qafqazın Şərq-Qərb nəqliyyat dəhlizində oynadığı mühüm rol üzərində dayanaraq Yaponiya tərəfinin bu imkanlardan faydalanmasında maraqlı olduğunu təsdiq edib.

Bu xüsusda, Azərbaycanla Yaponiya arasında bərqərar olunmuş uğurlu qarşılıqlı faydalı əməkdaşlıq münasibətlərinin, eləcə də hər iki ölkənin Gürcüstanla əməkdaşlığının daha da inkişaf etdirilməsi barədə fikir mübadiləsi aparılıb. Bölgədə yaradılan yeni reallıqların bu əməkdaşlığa yeni təkan verə biləcəyinə dair əminlik ifadə edilib.

Görüşün sonunda tərəflər gələcəkdə məhsuldar təmasların davam etdiriləcəyi ilə bağlı razılıq əldə ediblər. (Report)
 

Turan Bank

OXŞAR XƏBƏRLƏR

Erməni revanşizmi necə dəfn edilir? – Deputat Prezidentin çıxışının əsas istiqamətləri haqda...

"Azərbaycanın atacağı addımlar qarşısında hər hansı bir maneə olmayacaq”. Bu sözləri Sfera.az-a açıqlamasında yerli və xarici jurnalistlərlə videoforma...

İlham Əliyev Xəzər Dəniz Gəmiçiliyinin yeni inzibati binasının açılışını etdi

Martın 1-də "Azərbaycan Xəzər Dəniz Gəmiçiliyi” Qapalı Səhmdar Cəmiyyəti üçün inşa olunan yeni inzibati binanın açılışı olub. Sfera.az  xəbər verir k...

Prezident və birinci xanım “Akademik Zərifə Əliyeva” gəmisinin suya salınma mərasimində iştirak etdi

Martın 1-də Azərbaycan Respublikasının Prezidenti İlham Əliyev və birinci xanım Mehriban Əliyeva Bakı gəmiqayırma zavodunda "Akademik Zərifə Əliyeva” gəmisinin ...

“Onik Qasparyanı zərərsizləşdirmək üçün Türkiyədən xüsusi qrup gəlib....” - Ermənistanda şayiə

Ermənistanda ordunun tələbinə baxmayaraq, hakimiyyəti əldə saxlamağa çalışan baş nazir Nikol Paşinyanın əlehydarları ona qarşı ən müxtəlif təzyiq formalarından ...

“Sualları cavablandırdıqca, həm də müvafiq mesajlar ötürürdü” – Mətbuat konfransının dəyərləndirilməsi

Prezident İlham Əliyev fevralın 26-da yerli və xarici mətbuat nümayəndələri üçün keçirdiyi və 4 saata yaxın davam edən mətbuat konfransında kifayət qədər vaci...

Bir gündə üç mitinq – Yerevan çalxalanır, meydanda alternativ hökumət elan oluna bilər

Ermənistanın baş naziri Nikol Paşinyan tərəfdarlarını bu gün saat 18:30-da Respublika meydanında keçiriləcək mitinqə dəvət edib. O, müxalifətin iddialarının ək...