Sabiq polis rəisinin dediyinə görə, 2018-ci ildə baş verənlərin hamısına siyasi texnologiyalardan istifadə etməklə, xaricdən maliyyələşən qüvvələr tərəfindən nəzarət edilirdi.

"Radio evi silahlanmış mühafizəçilər tərəfindən xüsusi mühafizə olunan obyektdir. Onlar şəxsən mənim əmrim əsasında atəş açmayıblar, əks halda, atəş açardılar. Onların ixtiyarı da var idi, çünki həyat və sağlamlıqları təhlükə altında idi. Mən isə onları bir zənglə dayandırdım”, - o deyib.   

Nikol Paşinyan və onun tərəfdarlarının Radio evinə girməsi haqda danışan V. Qasparyan deyib ki, "Mən insanların öldürülməsini düzgün hesab etmədim. Polis qüvvələrinin işə qarışmadığını başa düşən və bundan faydalanan Paşinyan öz tərəfdarlarını Radio evinə daxil olmağa çağırdı. Canlı insanlara atəş açmaq əvəzinə, prokurorluq Radio evinin zəbt olunması haqqında iddia qaldırmalı idi. 

 Həddi-buluğa çatmamış uşaqların, hamilə qadınların cəlb olunması üçün texnologiyalardan istifadə edilmişdi. Biz bunların hamısını görürdük, lakin bizim əsas tapşırığımız əhalinin təhlükəsizliyini təmin etmək idi, çünki bizim fəal hərəkətlərimiz insan tələfatına, travmalara gətirib çıxara bilərdi. Paşinyan və onun ətrafındakılar bilməlidir ki, həddi-buluğa çatmamış uşaqların, hamilə qadınların cəlb edilməsi çox səhv bir addım idi və bu addım öz acı bəhrəsini gətirəcək. 

2015-ci ilin ”Elektrik İrəvan” hadisələrində (söhbət elektrik enerjisinin qiymətinin artırılmasından sonra baş vermiş iğtişaşlardan gedir) polis qüvvələri su maşınlarından istifadə edib. Bunların istifadəsi üçün haqqımız da var idi, çünki bu yolla biz sülh etiraz aksiyalarını keçirənlərlə aranı qatan, təxribat törədən qüvvələri aralaya bildik. Bu da sonrakı təcavüzün qarşısını aldı. 

Bizdə olan əməliyyat məlumatlarına əsasən, aksiya iştirakçılarının bəzilərinin cibində sement var idi. Polis qüvvələrinə yaxınlaşıb sementi onların gözlərinə atmaqla və ya sürtməklə təxribat törətmək fikrində idilər. Su maşınları istifadə etməklə onların ciblərində olan sementi islatdıq ki, hadisənin qarşısını alaq.

Amma görünür, atalar düz deyib - "dünənki yaxın dost bugünkü qəddar düşməndir”. O vaxt bu məlumatların ictimaiyyətə çatdırılmasını lazım bilməyən, həmin insanlardan biri olan, indi isə vilayətlərdən birinin qubernatoru olan şəxs mənim keçmiş müavinim idi.

İndi baxsanız görəcəksiniz ki, indiki hakimiyyət bu çirkli texnologiyalardan tez-tez öz xalqı əleyhinə istifadə edir. Azyaşlı uşaqlardan, hamilə qadınlardan canlı sipər kimi yararlanırlar”. 

Beləliklə, məlum olur ki, özünü inqilabçı kimi qələmə verən, hakimiyyət uğrunda hətta öz xalqını ölümə göndərən, azyaşlı uşaq, hamilə qadın, yaşlı nəsil nəzərə almayan Paşinyan hakimiyyətdə qalmaq üçün erməni xalqının qanını axıtmağa da hazırdır.

V. Qasparyan yekunda qeyd edib ki, "mən heç kimə siyasi meydana çıxmağı məsləhət görmürəm, çünki Nikol Paşinyan reallığında bu addım bütün siyasi avantüristlər üçün ölümcül ola bilər”.