Bu ölkədə niqab və çadra geyinmək qadağan edildi
Kateqoriya məlum deyil
Tunis hakimiyyəti ictimai binalarda, eləcə də dövlət müəssisələrində niqab və çadra geyinməyə qadağa qoyub. "Qafqazinfo”nun məlumatına görə, bu barədə "Associated Press” agentliyi xəbər verib.
Tunisin Baş Naziri Yusif Şahed sözügedən məsələ ilə bağlı ictimai müəssisələrin rəhbərlərinə xüsusi tapşırıq verib.
"Üzü bağlı olan heç kəsə ictimai binalara girməyə icazə verilməməlidir”, - tapşırıqda deyilib.
Qadağa təhlükəsizlik baxımından tətbiq edilib. Belə ki, bir müddət əvvəl niqab geyinən şəxslər teror aktı törətmişdi. Analoji qadağa ölkədə 2011-ci ilədək qüvvədə olub.
