60 terroçu məhv edildi
Dünya
14:34 / 22.01.2019
2144
Misir hərbçiləri və polisi keçirdikləri bir sıra əməliyyatlar zamanı 59 ekstremisti öldürüb.
Bu barədə Misir Müdafiə Nazirliyi məlumat verib. Məlumata əsasən, ekstremistlərdən 44-ü hərbçilərin keçirdiyi əməliyyatı zamanı, 15-i isə polis əməliyyatı zamanı öldürülüb.
Əməliyyatlar zamanı onlarla nəqliyyat vasitəsi, rabitə vasitələri, silah-sursat, partlayıcı maddələr müsadirə və məhv edilib. Toqquşmalar zamanı 7 misirli hərbçi həlak olub. Xatırladaq ki, Misir ordusu ötən ilin fevralından separatçılara qarşı genişmiqyaslı "Sinay” əməliyyatı keçirir. Bu müddət ərzində yüzlərlə ekstremist öldürülüb və yaralanıb.
