Sfera.az Ermənistan mətbuatına istinadən xəbər verir ki, bunu Republikaçılar partiyasının mətbuat katibi Eduard Şarmazanov özünün "Facebook” hesabında yazıb. O, bu sözləri baş nazir Nikol Paşinyana ünvanlayıb:

"Bir müddət əvvəl Nikol Paşinyan demişdi ki, 2018-ci ilin üçüncü rübündə ölkəyə daxil olacaq investsiyanın həcmi əvvəlki ilə nisbətən 50% artacaq. O, müxalifəti sərmayənin azalmasını tənqid etdiyimiz üçün qınamışdı. İndi birbaşa zərbə ilə topu Paşinyana ötürürüəm. Fokusla məşğul olmayın. Sizin vaxtınızda investisiyanın həcmi azalıb”.

 

Şarmazanovun sözlərinə görə, 2018-ci ilin birinci rübündə ölkəyə daxil olan investisiyanın həcmi 94,2 milyon dollar olub. Amma 3-cü rübdə bu göstərici 75, 5 milyon dollara düşüb.