Yəmən ordusu hücuma keçdi
14:29 / 07.01.2019
2129
Yəmən ordusu yanvarın 5-də Əl-Cəuf vilayətində Səudiyyə Ərəbistanının dəstəklədiyi muzdlu qüvvələrin Xəlifin, Səbirin, Əl-Hub və Əl-Şəfa rayonlarında keçirdikləri növbəti hücumun qarşısını alıb. Döyüşlər nəticəsində muzdluların onlarla canlı qüvvəsi və texnikası məhv edilib.
Muzdlu qüvvələrin döyüş meydanından qaçdığı qeyd edilir. Qeyd edək ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir. Hərbi təcavüz nəticəsində on minlərlə insan həyatını itirib, milyonlarla insan xəstəliyə məhkum olub və məcburi köçkün vəziyyətinə düşüb. Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur. Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər.
