Qızını zəncirləyən ata həbs edildi-Foto

Dünya
16:10 / 28.12.2018
2176
Türkiyənin İstanbul şəhərində polislər dəhşətli bir cinayətin üstünü açıblar.
Sfera.az Türkiyə mətbuatına istinadən xəbər verir ki, şəhərin Sultanqazi bölgəsində bir kişi 18 yaşındakı qızını evdə zəncirləyirmiş. Qızının evdən çıxmasına mane olmaq üçün ata onu zəncirlə bağlayıb.
Polis mərkəzinə gələn telefon zəngindən sonra hüquq mühafizə əməkdaşları aşkarlayıblar ki, Zəkəriyə G. Adlı kişi bir ildir ki, qızı Xədicə G.-nı sol ayağından paltaryuyana bağlayıb. Polis 5 metrlik zənciri aça bilməyib. Gənc qız açarın atasında olduğunu deyib. Bundan sonra yaxınlıqdakı dəmirçinin yardımıyla qız zəncirdən qurtulub.
Gənc gızın bildirdiyinə görə əvvəllər bir neçə dəfə qaçıb dostlarının evində qalıb. Atası onun narkotik maddə istifadə etdiyindən şübhələnərək bu addımı atıb. Özü evdə olanda zəncirin qıfılını açır, çölə gedəndə isə bağlayırdı.
Əməliyyatlardan sonra ata Zəkəriyyə G. həbs olunub. Xədicə G. atasından şikayətçi olmasa da polis barəsində cinayət işi açıb. Gənc qız sığınma evinə yerləşdirilib. Qızını zəncirləyən ata əməlindən peşman olduğunu bildirib.