Türkiyə sahillərində faciə: 33 ölü - YENİLƏNİB
Türkiyənin Çanaqqala bölgəsindən Yunanıstanın Midilli adasına keçmək istəyən qaçqınların qayığının batması nəticəsində 5-i uşaq olmaqla 33 nəfərin meyidi çıxarılıb.
"Report" xəbər verir ki, bu haqda "Anadolu" agentliyi məlumat yayıb.
Məlumata görə, Türkiyənin Sahil Mühafizə Xidmətinin əməkdaşları 75 nəfəri xilas ediblər. Xəbərə əsasən, axtarış-xilasetmə tədbirləri davam etdirilir.
--------
14:19
Türkiyənin Çanaqqala vilayətinin sahillərində qeyri-qanuni olaraq Yunanıstana keçməyə cəhd edən 9 suriyalı mühacirin meyidi tapılıb.
Trend-in "Anadolu" agentliyinə istinadən verdiyi məlumata görə, onlardan 5-i azyaşlı uşaqdır.
İlkin məlumata əsasən, həmin şəxslər bu gün səhər saatlarında batan, göyərtəsində 53 suriyalı mühacirin olduğu gəminin sərnişinləri olub.
Qeyd edək ki, hazırda Türkiyə ərazisində 2 milyondan çox suriyalı qaçqın var.
