Paşinyandan gözlənilməz QƏRAR: Siyasi məhbusları azad etməkdən imtina etdi
Dünya
12:49 / 16.05.2018
2333
"Siyasi məhbusların azadlığa buraxılması məsələsi hüquqi yolla həll olunmalıdır".
Sfera.az xəbər verir ki, bu açıqlama ilə Ermənistan baş naziri öz "Facebook” səhifəsində yaydığı videomüraciətdə çıxış edib.
Paşinyan sözlərinə belə davam edib:
"Mənim bəyanatlarımdan sonra çoxları düşünür ki, Ermənistan siyasi məhbusların olduğu ölkə yarlığından azad olunacaq, bütün qapılar həmən açılacaq və biz siyasi məhbuslarımıza "çıxın” deyəcəyik. Hesab edirəm ki, bu doğru deyil və qanunsuz yoldur. Siyasi məhbuslar problemini hüquqi yolla həll etməliyik”.
O, 2016-cı ildə polis patrul şöbəsini silahlı yolla ələ keçirən "Sasna srer” silahlı qruplaşması üzvləri barəsində məsələnin isə ictimai müzakirəyə çıxarılmasını istəyib.
Ermənistanın baş prokuroru Artur Davtyan Paşinyanın mövqeyi ilə razılaşmayaraq deyib ki, Ermənistanda siyasi məhbuslar yoxdur.