Ruhanidən Trampa sərt MESAJ: "Müqaviləni pozarsa..."
Dünya
20:17 / 08.05.2018
2350
"Bu müqaviləni pozan tərəf biz olmayacağıq, amma bunu çox yaxşı bilsinlər ki, müqaviləni pozacaqları təqdirdə peşman olacaqlar”.
Sfera.az xəbər verir ki, bu sözləri İran prezidenti Həsən Ruhani Tehranda keçirilən Milli Nüvə Texnologiya Günündə çıxışı zamanı deyib.
Ruhani ABŞ prezidenti Donald Trampın İranla bağlı nüvə müqaviləsindən çıxmaq qərarına toxunaraq çıxışını davam etdirib:
"Biz onların zənn etdiklərindən çox daha yaxşı hazırıq. Bu müqaviləni pozarlarsa, nəticəsini bir həftədən daha tez görəcəklər. Bu cənab, ABŞ-da vəzifə başına gəldiyi 15 ay içində bir çox ziqzaqlı iddia və davranışlar etdi. Ancaq nüvə müqaviləsinin əsası o qədər güclüdür ki, 15 ay içində təzyiqlərə rəğmən müqavilə sapsağlam qaldı”.
Qeyd edək ki, İngiltərə, Fransa, Almaniya, Çin, Rusiya və Avropa Birliyi İranla bağlanan nüvə müqaviləsinə sadiq qaldıqlarını bildiriblər.
Sfera.az