“Taliban” Türkmənistanla sərhəddə strateji rayonu ələ keçirdi – Şiddətli döyüşlər gedir
Dünya
16:09 / 08.05.2018
1990
Əfqanıstanın şimal-qərbində yerləşən Fəryab vilayətində irimiqyaslı döyüşlər başlayıb.
Sfera.az xəbər verir ki, "Taliban” hərəkatının silahlıları Kulien rayonunu ələ keçirilib. Ələ keçirilən əraziyə Bilçaraq qəzasının 12 kəndi daxildir. Döyüşlər şiddətli keçib. Toqquşma zamanı yerli özünümüdafiə qüvvələrinin 40 döyüşçüsü öldürülüb, yaralanıb və əsir götürülüb.
Əfqanıstanın strateji rayonunun "Taliban”ın nəzarətinə bu səhər keçdiyi bildirilir.
Dünən isə Herat vilayətində polis naryadı pərəncəyə bürünmüş taliblər tərəfindən məhv edilib. Son dövrlərdə taliblərin və digər silahlı qruplaşmaların Əfqanıstandakı fəaliyyəti artıb. Sadəcə dünən ölkənin 14 vilayətində xüsusi əməliyyat keçirilib. Əməliyyatlar zamanı 59 silahlı məhv edilib, 30-u yaralanıb. Ümumilikdə, Əfqanıstan aviasiyası 124 hərbi reyd keçirib.
İran ali dini rəhbərinin müşaviri general-mayor Yəhya Rahim isə ABŞ-ı Suriya və İraqda döyüşən İŞİD silahlılarını Əfqanıstana transfer etməkdə ittiham edib.
Sfera.az