Sfera.az xəbər verir ki, qanun layihəsinin mətni tam açıqlanmasa da, komitədə təmsil olunan respublikaçılar və demokratlar layihəyə əlavə etdikləri detalları açıqlayıblar.

Qanun layihəsinə görə, ABŞ Pentaqondan ABŞ-Türkiyə münasibətləri ilə bağlı hesabat təqdim etməsini istəyəcək. Hesabata yekunlaşanadək vacib silah vasitələrinin Türkiyəyə satışı dayandırılacaq. 

Silahlı Xidmətlər komitəsinə təqdim olunan layihədə Pentaqon və Dövlət Departamenti 60 gün ərzində Konqresə hesabat təqdim etməlidir. 

Qeyd edək ki, Türkiyə iyun ayından başlayaraq 1 il ərzində ABŞ-dan sifariş etdiyi F-35 təyyarələrini almağa hazırlaşır. Türk pilotları bununla bağlı təlim keçirlər. 

Layihəyə Rusiyanın silah sənayesinə yeni sanksiyaların tətbiqi, silahlı qüvvələr arasındakı əməkdaşlığın qadağan olunması və kiber müharibə məsələləri daxildir.

Qanunun Çinlə bağlı hissəsində isə Tayvanın müdafiə qabiliyyətini möhkəmləndirmək və ABŞ dövlət orqanları üçün "riskli” sayılan "Huawei Technologies və ETE Corp” məhsullarının istifadəsinə qadağa qoyulması nəzərdə tutulur. Vaşinqton bu texnologiyaları ABŞ vətəndaşlarına qarşı casusluq fəaliyyətində şübhəli bilir.