Sfera.az-ın Türkiyə mətbuatına istinadən xəbərinə görə, bunu Türkiyənin müdafiə sənayesinin lider şirkətlərindən hesab edilən "ASELSAN”ın idarə heyətinin rəhbəri Haluk Görgün deyib.

O, bəzi ABŞ konqresmenləri və senatorları tərəfindən F-35 döyüş təyyarələrinin Türkiyə gətirilməsinə mane yaradıldığını bildirib. 

H.Görgün ABŞ konqresinə təqdim olunan sənəd haqda da danışıb: 

"Bu sənəd ABŞ konqresindən keçərsə, F-35 layihəsi çökər. ABŞ konqresinin belə bir addım atacağını düşünmək mümkünsüzdür. Bu baş verməyəcək”.

Qeyd edək ki, "ASELSAN” şirkətinin ötən il gəliri 5.4 milyard türk lirəsi olub. İxracatı isə 1.4 milyard türk lirəsi dəyərində olan şirkət 6.8 milyard dollarlıq sifariş verib.