Ermənistanın yeni prezidenti kimdir? - Alimlikdən prezidentliyə...
Dünya
13:29 / 02.03.2018
3679
Hakim partiyadan olan Armen Sarkisyan Ermənistanın yeni prezidenti seçildi.
Sfera.az erməni mətbuatına istinadən xəbər verir ki, yeni konstitusiyaya əsasən onu parlamentin deputatları seçib.
Bundan sonra Ermənistan prezidentinin səlahiyətləri məhdudlaşdırılacaq. Eynən Almaniya və Fransadakı kimi. Ölkədə əsas idarəçilik baş nazirin əlində cəmləşəcək.
Seçilməsi üçün Sarkisyana parlamentdəki 105 deputatdan 79-nun səsi lazım idi. "Respublikaçılar” və "Daşnaksityun” partiyası , həmçinin müxalif "Sarukyan” partiyası onun namizədliyini dəstəkləyib.
Yalnız "Elk” partiyası Armen Sarkisyanın əleyhinə səs verib. Bununla da hakim partiyanın namizədi lazım olan səsi topladı. Hazırki prezident Serj Sarkisyanın prezidentlik müddəti isə 9 apreldə başa çatır.
Armen Sarkisyan sovet dövründə Ermənistanın ən perspektivli fizika alimlərindən hesab edilirdi. 1984-85-ci illərdə Kembric Unuversitetində işləməyə dəvət alıb. Sonra Moskvada işləyib, 90-cı illərdə yenidən Britaniyaya qayıdıb.
Ermənistanın Britaniyada ilk səfiri işləyib. O, 96-97-ci illərdə Ermənistanın baş naziri olub. Davostakı forumun daimi iştirakçılarındandır.
