Tanınmış qəssab hekayəsi sosial medianı çalxaladı - FOTOLAR
Dünya
20:18 / 10.02.2018
2375
Türkiyənin dünyada məşhur olan qəssabı Nüsrət həyat hekayəsini, uşaqlıq şəkillərini izləyiciləri ilə bölüşüb. Bu da sosial şəbəkədə böyük matrağa səbəb olub.
Sfera.az xəbər verir ki, Nüsrət 1998-ci ildə çəkdiyi fotonu "İmkansız deyə bir şey yoxdur" qeydi ilə paylaşıb. Anam və atam oxuma-yazma bilməyib, imkansızlıqdan mən də oxumamışam.
6-cı sinifdən çıxmaq məcburiyyətində qaldım. Öz cəsarətimlə su sataraq, ayaqqabı boyayaraq iş həyatına atıldım. 14 yaşımda qəssablıqla tanış oldum. Ətə tutqun oldum.
Nüsrət Gökçe 1983-ci ildə Ərzurumda dünyaya gəlib. Ailəsinin imkanı olmayıb ki, onu oxutsun. Özü tək həyatda qalmaq üçün mübarizə aparıb. Hətta elə olub ki, 18 saat işləyib. 2009-cu ildə Argentinaya gedərək mətbəx sirlərinə yiyələnib.
Üç ay ərzində fermalarda qalıb, restoranlarda və qəssabxanaları gəzərək təcrübə toplayıb. 2010-ci ildə Amerika Birləşmiş Ştatlarına gedib.
İşində peşəkarlığı öyrənmək üçün Nyu-Yorkun dörd məşhur restoranında pulsuz işləyib və ABŞ-da hazırladığı menyu məşhur qəzet New York Times-da dərc olunub.
Türkiyəyə qayıdanda özünün ət restoranını açıb.
Yaxın Şərqdə də işini böyüdüb. Sonra Avropada da məkanlar açıb və son dayanacağı da ABŞ olub. 2 il əvvəl Instagramda 300 min davamçısı olan Nüsrətin hazırda 11 milyon izləyicisi var.
Kolgemedia.az
