Terrorçular artıq gözdən qaçmayacaq! Afrinde pilotsuz aparatlardan istifadə ediləcək
Dünya
15:57 / 04.02.2018
1062
Türkiyənin "Hürriyyət" qəzetinin verdiyi məlumata görə, Bordoberetlilər Afrində hazırlıqlarını davam etdirirkən 18 qramlıq mikro dronelərdən də (pilotsuz hərbi uçuş aparatı) ilk dəfə burada istifadə ediləcək.
Zeytun Budağı Əməliyyatı 16 gündür davam edirkən Bordoberetlilər də Afrində məhəllə əməliyyatlarına hazırlaşır.
DAŞINMA SÜRƏTLƏNİB
Afrin şəhər mərkəzindəki yaşayış sahələrində terrorçulara qarşı Kirpi, Kobra 1, Kobra 2 və Əjdər kimi zirehli, silahlı maşınlar da istifadə ediləcəyi üçün bu vasitələrin bölgəyə daşınması sürətlənib.
MİKRO DRONELƏR RADARA DÜŞMÜR
Xüsusi Qüvvələr tərəfindən Afrin küçələrində terrorçuların tələlərinə qarşı və gizləndikləri yerləri tapmaq üçün mikro insansız hava vasitələrindən də istifadə olunacaq (İHA). Uzunluğu 10, eni 2.5 santimetr, çəkisi 18 qram olan mikro İHA-nın 3 kamerası var. Kameralardan biri yüksək keyfiyyətli görüntünü təmin edir, bir digəri termal, üçüncüsü isə gecə danışıq sisteminə malikdir. Hürriyyət qəzetində yer alan xəbərə görə, radarlar tərəfindən tanınmayan, səsi eşidilməyən 1.6 kilometr mənzilə sahib mikro İHA 25 dəqiqə havada qala bilir.
Yusif Məmmədli
sfera.az
