Finlandiya Belçikaya pulların yuyulmasında şübhəli bilinən rusiyalını ekstradasiya edir
![Finlandiya Belçikaya pulların yuyulmasında şübhəli bilinən rusiyalını ekstradasiya edir](https://sfera.az/photo/orginal/2018/01/22/378359.jpg)
00:09 / 22.01.2018
853
RİA "Novosti" Rusiyanın Finlandiyadakı səfirliyinin mətbuat katibi Natalya Vejlivçevaya istinadən xəbər verir ki, Finlandiya pulların yuyulmasında şübhəli bilinən Rusiya vətəndaşını Belçikaya ekstradasiya edir.
N.Vejliçeva onu da əlavə edib ki, səfirlik rusiyalının məsələsini diqqətdə saxlayır.
"Belçikanın sorğusu əsasında bu il yanvarın 6-da həds edilmiş Rusiya vətəndaşının yanvarın 19-da fin məhkəməsi tərəfindən Belçikaya ekstradasiya olunmasına dair qərar verilib. Ali məhkəməyə Apelyasiya şikayəti hazırlanır. Apelyasiya şikayəti qanunun müəyyən etdiyi bir həftə müddətində verilərsə işə baxış daha iki həftə uzana bilər. Səfirliyin əməkdaşları mütəmadi olaraq hıbs edilmiş Rusiya vətəndaşı və vəkili ilə əlaqə saxlayırlar"- deyə Vejlivçeva bildirib.
Saxlanılmış Rusiya vətəndaşının adı açıqlanmır. KİV həbs edilmiş 34 yaşlı Rusiya vətəndaşının Vantaa şəhər həbsxanasında saxlanıldığını bildirir.
Bir müddət əvvəl fin KİV-i Rusiya vətəndaşının Sankt-Peterburqa qayıdarkən Vaalimaa sərhəd məntəqəsində saxlanıldığı barədə məlumat vermişdi. Qeyd edək ki, sözügedən şəxs Belçika dövlətinin sorğusu əsasında saxlanılıb. Həmin şəxs 2017-ci il dekabrın sonunda pulların yuyulması və 2008-2009-cu illərdə mütəşəkkil cinayətkar qruplaşmada iştirakına görə qiyabi olaraq üç il müddətinə azadlıqdan məhrum edilib.
Rusiyalı bütün ittihamları rədd edir.
Sfera.az