Türkiyə gündəmini sarsıdan iddia
Dünya
01:14 / 02.02.2016
2893
50 gündən çoxdur küçəyə çıxmaq qadağasının davam etdiyi Türkiyənin Şirnak vilayətinin Cizrə şəhərindəki PKK terrorçularının olduğu bina ilə bağlı maraqlı iddialar var. ATV.az-ın Türkiyə mətbuatına istinadən xəbərinə görə, Cizrədəki Gənclik Prospektində, 23 nömrəli binaya çoxlu sayda PKK-lı sıxışdırılıb. Bəzi məlumatlara görə, 30, digərinə görə isə, 26 PKK-lı yaralı olaraq sığındıqları binada qalıb.
Məlumat yayıldıqdan sonra PKK və HDP (Xalqların Demokratik Partiyası) binada olanları qurtarmaq üçün əlindən gələni etməyə çalışır. Əvvəl PKK-lıların təcili yardım maşınları ilə uzaqlaşdırılması məsləhət görülüb. Amma gedən təcili yardım maşınları və təhlükəsizlik əməkdaşlarına binadan atəş açılıb. Binadakı və ətrafındakı 6 evdən açılan atəş nəticəsində bugünədək 2 təhlükəsizlik əməkdaşı şəhid olub.
Bundan sonra, PKK və HDP “təcili yardım maşınlarınızı, əsgərlərinizi uzaqlaşdırın, adamlarımızı özümüz xilas edəciyik” deyə təklif edib.
Ancaq yeni iddia Türkiyə gündəmini dəyişib. Kəşfiyyatçıların əldə etdiyi məlumata görə, 23 nömrəli bina PKK-nın bölgədəki qərargahı imiş və 3 ildir heç kim o binaya yaxın buraxılmırdı. Məhəllənin muxtarı və sakinləri də 3 ildir yad adamların oraya girib-çıxdığını və binanın qeydiyyatının olmadığını açıqlayıb.
Daha sonra HDP-li millət vəkili Osman Baydəmir məclis kürsüsündən yumruğunu vuraraq və hönkür-hönkür ağlayaraq, terroristlərin xilas olması üçün yalvarıb.
Osman Baydəmir, Faysal Sarıyıldız və Səlahəddin Dəmirtaş kimi HDP-lilərin binadakıları xilas etmək üçün göstərdikləri səy yeni bir iddia ilə unuduldu. İddialara görə, o binada hazırda PKK-ya dəstək vermək üçün Cizrəyə gələn rus generalı və PKK-nın səlahiyyətli şəxsləri var. 
