"Report”un Gürcüstan bürosu xəbər verir ki, əvvəlki nəşrdən fərqli olaraq yeni kitabda mətn ərəbcə verilir, haşiyələrdə isə tərcümələr qeyd olunur.

GMİ-nin sədri Ramin İgidov "Report”a bildirib ki, latın qrafikası ilə Azərbaycan dilində nəşr olunan "Qurani-Kərim”in növbəti tərcüməsi akademik Ziya Bünyadov və Vasim Məmmədəliyevə, gürcü dilinin tərcüməçisi isə Rezo Mikeladzeyə məxsusdur.

Onun sözlərinə görə, kitab dini məktəblərə və məscidlərə, həbsxanalardakı dini ibadət yerlərinə, eləcə də maraqlananlara pulsuz paylanacaq. Ötən il də 3000 nüsxədə Ağabala Mehdiyev və Dürdanə Cəfərlinin tərcümə etdiyi (ərəbcə mətn və izahlı tərcüməsi olan) 1200 səhifədən ibarət "Qurani-Kərim" çap edilərək Gürcüstanda yaşayan müsəlmanlara pulsuz təqdim olunub.

 

Sfera.az