Zəlzələnin episentri Tres-Pikos yaşayış məntəqəsindən 119 km cənub-qərbdə, okeanda olub. 33 km dərinlikdə olan zəlzələ ocağının yaratdığı təkanlar hətta paytaxt Mexikoda hiss olunub. İnsanlar yaşayış binalarından təcili şəkildə təxliyə edilib.
Zəlzələnin ardınca dərhal sunami xəbərdarlığı edilib. Sunaminin Meksika, Qvatemala, Salvador, Kosta-Rika, Nikaraqua, Panama, Ekvador və Honduras sahillərini əhatə edəcəyi gözlənəlir.
***
Zəlzələ nəticəsində Meksikada 6, Qvatemalada isə 1 nəfər həlak olub.
Çyapas ştatının qubernatoru Manuel Velaskes Milenio TV-yə açıqlamasında deyib ki, onun rəhbəri olduğu ştatda 3 nəfər ölüb. "Universal” nəşri Oahaka ştatında 1 qadının həlak olduğunu yazıb. Tabasko ştatının qubernatoru Artur Nunyes "Excelsior” nəşrinə verdiyi açıqlamasında 2 uşağın öldüyünü deyib.
Qvatemalanın Takan şəhərində də 1 nəfərin öldüyü haqda məlumat yayılıb.
Meksika Milli Seysmologiya Xidməti zəlzələdən sonra ölkə sahillərində bəzən 8-8.4 bala çatan 61 yeraltı təkanın baş verdiyini bildirib.
***
Meksikada baş verən zəlzələ zamanı ölənlərin sayı 26-ya çatıb.
Bu barədə "Röyter” agentliyi məlumat yayıb.
Təkcə Oahaka ştatında 20 nəfər ölüb.
Agentliyin məlumatına görə, Çyapas və Tabasko ştatında isə ölənlərin sayı 6-ya çatıb.