Türkiyədə maraqlı hadisə yaşanıb.

GoldNews.az xəbər verir ki, molla aşiq olduğu qadınla evlənmək üçün onun keçmiş ərinə müraciət edib. Bildirilir ki, İstanbulun Sultanbəyli bölgəsindəki bir məsciddə imam kimi fəaliyyət göstərən molla bir müddət əvvəl ərində ayrılan Əminə adlı xanıma elçi düşüb. O, 32 yaşlıq qadına eşqini elan etsə də, müsbət cavab ala bilməyib. Adı açıqlanmayan imam xanımı yola gətirmək üçün onun keçmiş əri Savaşa sosial şəbəkədəki hesabından ismarış göndərib. Molla ona təklif edib ki, sən qadını mənimlə evlənmək üçün razı sal, səni 9 yaşındakı uşağın üçün ödədiyin təzminatdan azad edim: "Sən Əminə xanımı razı sal, o mənim xanımım olsun. Mən ona yaxşı ər, oğluna da ata olaram. Razılaşaq, bu, sənin də işinə yarayar. Əminə xanımı razı sal, sən təzminatdan qurtul, mən də xanıma qovuşum. Yoxsa daha çox hambal kimi çalışmalı olacaqsan".

İmamın ardı-arası kəsilməyən mesajlarından bezən kişi ondan aidiyyatı dini qurumlara şikayət edib. Hazırda məsələ ilə bağlı araşdırmalar aparılır.

 

Sfera.az