Almaniya Prezidenti Frank-Valter Ştaynmayer Əfqanıstana elan olunmamış səfərə gələrək Prezident Əşrəf Qəni ilə görüşüb.

Bu barədə "Fokus” nəşri informasiya yayıb.

Almaniya Prezidenti Frank-Valter Ştaynmayerin gəlişi təhlükəsizlik məsələləri səbəbindən qabaqcadan açıqlanmayıb. Ştaynmayer görüş zamanı Əfqanıstan hakimiyyətini ölkədə təhlükəsizliyi qorumaqla bağlı öz üzərinə daha çox məsuliyyət götürməyə çağırıb.

İlk olaraq Məzari-Şərif şəhərindəki alman hərbçilərini ziyarət edən prezident daha sonra Kabil şəhərində əfqan liderlə fikir mübadiləsi aparıb.