Kadırova "Rusiya Federasiyasının Fəxri Memarı" adı verildi
Çeçenistan lideri Ramzan Kadırova "Rusiya Federasiyasının Fəxri Memarı" adı verilib.
Sfera.az xəbər verir ki, mükafatı ona Qroznıda Vladimir Putin rayonunun ikinci xəttinin açılış mərasimində Rusiya Baş nazirinin müavini Marat Xusnullin təqdim edib.
"İnanıram ki, bütün bu layihələrin baş memarı şəxsən sizsiniz. Buna görə də sizə "Rusiya Federasiyasının Fəxri Memarı" adını təqdim etmək şərəfinə nail oldum", - deyə Xusnullin bildirib.
Baş nazirin müavini Kadırovun respublikada əsas şəhərsalma layihələrinin həyata keçirilməsindəki rolunu qeyd etdi. O bildirdi ki, Putinin adını daşıyan yeni rayon region rəhbərinin şəxsi nəzarəti altında düşünülüb, layihələndirilib və həyata keçirilib.
“Yadımdadır, 2022-ci ildə Ramzan Axmatoviç və həmkarlarımla yeni baş plan və rayonun inkişafı ilə bağlı müzakirə aparmışdıq. Belə planları həyata keçirmək mümkün deyildi. Lakin qısa müddət ərzində baş plan qəbul edildi və rayon ən yüksək keyfiyyətlə layihələndirildi və tikildi. Qiymət-keyfiyyət nisbəti baxımından deyə bilərəm ki, bu, ölkəmizdəki ən yaxşı nümunələrdən biridir”, - deyə Xusnullin qeyd edib.
Putin rayonunun ikinci xəttinə ümumi sahəsi təxminən 500.000 kvadratmetr olan 38 mənzilli bina, eləcə də Çeçenistanın ilk prezidenti, Rusiya Qəhrəmanı Əhməd-Hacı Kadırovun adını daşıyan 1,8 kilometrlik piyada bulvarı daxildir./teleqraf
