ABŞ konqresmeninin olduğu təyyarə gölə məcburi eniş edib
Kateqoriya məlum deyil
T
ABŞ Konqresinin Nümayəndələr Palatasının üzvü, Viskonsin qubernatorluğuna namizəd Tom Tiffaninin olduğu təyyarə mühərrik gücünü itirdikdən sonra gölə məcburi eniş edib.
Sfera.az xəbər verir ki, bu barədə Tom Tiffani “X” hesabında məlumat yayıb.
Onun sözlərinə görə, təyyarə Uoso hava limanına yaxınlaşarkən gücünü itirib və pilot gölə təcili eniş etmək qərarına gəlib.
Təyyarə suya endikdən və batmağa başladıqdan sonra Tiffani və pilot təyyarəni tərk edərək dayazlığa qədər üzərək xilasediciləri gözləyiblər.
Hadisədən sonra Tiffani və pilot yerli xəstəxanaya çatdırılıb. Hər ikisi yüngül xəsarət alıb.
