BMT-dən Türkiyə və Rusiyanın birgə planına - Tərif
16:06 / 14.06.2017
1274
Suriyada atəşkəs zonalarının yaradılması İdlib və Hələb ətrafında zorakılığın ciddi şəkildə azalmasına səbəb olub.
Sfera.az xəbər verir ki, bu haqda Suriyada insan haqlarının pozulma hallarının araşdırılması ilə bağlı BMT-nin müstəqil komissiyasının sədri Paulo Pineyro danışıb.
O Cenevrədə BMT Şurasının qarşısında çıxışı zamanı bildirib ki, Türkiyə, Rusiya və İran tərəfindən razılaşdırılmış plan sayəsində yaradılmış atəşkəs zonaları zorakılığın qarşısını almağı bacarıb:
"Hərbi əməliyyatlar isə Homs, Dəməşq və Şimali Dara zonalarının ətrafında gedir. Bu rayonların humanitar yardıma ehtiyacı var".
Xatırladaq ki, mayın 3-4-də Astanada Suriya ilə bağlı keçirilən danışıqlarda qarant ölkələr – Türkiyə, Rusiya və İran Suriyada atəşkəs zonalarının yaradılması haqda memorandum imzalamışdılar.
Orxan
Sfera.az
