Türkiyə sərhədində rus generallar öldürüldü
Generallar yeni planlar barədə müzakirələr apararkən basqına məruz qalıblar.
Suriyanın Türkiyə sərhədində yerləşən Türkməndağı bölgəsində Rusiya ordusunun generalları
oldürülüb. ANS PRESS-in məlumatına görə, Rusiya və Bəşər Əsəd rejiminin generallarının keçirdiyi
toplantıya hücum edilib.
Belə ki, generallar axşam saatlarında baş tutan toplantıda bölgədə həyata keçirilən hücumların son
vəziyyəti və yeni planlar barədə müzakirələr apararkən basqına məruz qalıblar.
Anadolu agentliyinin verdiyi məlumata görə, Duveyrik və Selma bölgələri arasında olan məkanda
keçirilən toplantıya yüksək rütbəli generallar qatılıb.
Müxalif qüvvələrin etdiyi basqında 4-ü rus, 4-ü rejim generalı və 15 əsgər öldürülüb. Ölən rus
generallardan birinin Türkməndağındakı hücumları koordinasiya edən, "Yuri" ləqəbli
general-leytenent olduğu bildirilir. Digər rus hərbçilərin isə general-mayor olduğu müəyyən edilib.
Basqın zamanı öldürülən rejim generallarının dördünün də rütbəsi general-mayordur. Rusiya
isə Suriya tərəfi hücumla bağlı hələlik heç bir məlumat yaymayıb.
Türkməndağında basqın edilən bölgə
Sentyabrın 30-da Rusiya prezidenti Vladimir Putinin göstərişi ilə Rusiya hərbi aviasiyasına
məxsus qırıcılar Suriya ərazisində hərbi əməliyyatlara başlayıb. Əməliyyat öncəsində
bununİŞİD-ə qarşı mübarizə olduğu bildirilsə də daha sonra rus qırıcılarının Əsəd
rejiminə qarşı olan dinc əhalini bombardıman etdiyi iddia olunmuşdu.
Rusiya qırıcıları Türkiyə ilə həmsərhəd türkmən ərazilərini də bombardıman edir.
Qırıcılar əsasən türkmənlərin kompakt yaşadığı bölgələrə zərbələr endirir.
Suriya dövləti ərazisində əsasən türkmənlərin yaşadığı Yamadi, Salur və Ceptoros
bölgələrini Rusiya qırıcılarının bombardman etməsi nəticəsində minlərlə insan
yaşadığı yeri tərk edərək Türkiyə sərhədinə üz tutub.
Türkməndağındakı partlayış səsləri Türkiyənin Hatay şəhərinin Yayladağı rayonunda da eşidilir.
