Ruhaninin alovlu çıxışı: Bizim düşmənlərimiz...
![Ruhaninin alovlu çıxışı: Bizim düşmənlərimiz...](https://sfera.az/photo/orginal/2017/05/22/354232.jpg)
İran Prezidenti Həsən Ruhani hökumətin iclasında çıxış edərək, prezident seçkilərinin nəticələrindən danışıb.
O, yenidən seçilməsini seçicilərin onun hökumətinin fəaliyyətindən tam razı qalması demək olduğunu bildirib.
"Bu seçkilərdə xalqın səsi tam eşidildi. Biz bu seçkilərdə ölkənin daha yaxşı bir gələcəyindən və öz həyatlarının perspektivindən əmin olmaq istəyən gənclərin, ictimai fəaliyyətlərində onlara kişilərlə bərabər fürsət verilməsini tələb edən qızların və qadınların, eləcə də öz övladlarının gələcəyindən nigaran qalan ailələrin səsini eşitdik.
Biz, həmçinin bu seçkilərdə ölkədə vətəndaş hüququnun dəqiq şəkildə icra olunacağından əmin olmaq istəyən bütün etnik və dini azlıqların, eləcə də aldadıcı vədlərin qarşısında dayanaraq töhmət və yalanlardan gileylənən vətəndaşların səsini eşitdik.
Bizim xalq özünün seçdiyi və yenidən səs verdiyi istiqamət və yola inanır. İnsanlar bizdən bu istiqamətə və yola davam etməyimizi istəyirlər. Bizim istər bölgədə, istərsə də dünyada müəyyən düşmənlərimiz var. Elə buna görə də hesab edirik ki, bu düşmənlərin qarşısını almaq üçün hamımız əl-ələ verib ölkəni inkişafa və yüksəlişə aparan yolda əlimizdən gələni əsirgəməməliyik”, - Ruhani bildirib.