Rusiyada terror hücumunun qarşısı alınıb

Rusiya Federal Təhlükəsizlik Xidmətinin (FSB) əməkdaşları Müdafiə Nazirliyinin əməkdaşına qarşı terror hücumunun qarşısını alıblar və Ukrayna Təhlükəsizlik Xidməti (SBU) tərəfindən cəlb edilmiş xarici vətəndaşı saxlayıblar. 

 

Sfera.az xəbər verir ki, bu barədə FSB-nin açıqlamasında bildirilir.

 

"Rusiya Federal Təhlükəsizlik Xidməti Ukrayna kəşfiyyat orqanları tərəfindən planlaşdırılan Rusiya Müdafiə Nazirliyinin bölmələrindən birində hərbçiyə qarşı törədilən terror aktının qarşısını alıb", - açıqlamada deyilir.

 

Təhlükəsizlik agentliyinin məlumatına görə, Ukrayna kəşfiyyat orqanları tərəfindən rus hərbçisinə atəş açmaq tapşırığı verilən 1990-cı il təvəllüdlü xarici vətəndaş Moskva vilayətində müəyyən edilərək saxlanılıb.

 

"Saxlanılan şəxs dindirilmə zamanı Ukrayna Təhlükəsizlik Xidmətinin əməkdaşları tərəfindən Avropa Birliyi ölkəsində işə götürüldüyünü və orada cinayət təqibindən qaçmaq üçün qaçdığını etiraf edib", - FSB əlavə edib. 

 

Firuzə Əliyeva
Sfera.az