Təyyarə yaşayış binasına çırpıldı: Ölənlər var – VİDEO

Braziliyanın Belo-Orizonti şəhərində kiçik təyyarə yaşayış binasına çırpılıb.

Sfera.az xəbər verir ki, bu barədə Reuters yerli rəsmilərə və yanğınsöndürmə xidmətinə istinadən məlumat yayıb.
 

Göyərtəsində 5 nəfər olan təyyarə bazar ertəsi üçmərtəbəli yaşayış binasına çırpılıb.

 

Qəza nəticəsində pilot və ikinci pilot hadisə yerində ölüb. Ağır vəziyyətdə xəstəxanaya çatdırılan 3 sərnişindən biri daha sonra dünyasını dəyişib. Digər 2 nəfərin xəstəxanada müalicəsi davam edir.

Bildirilir ki, təyyarə Pampulya hava limanından havaya qalxaraq San-Pauloya istiqamət alıb. Lakin uçuşdan bir neçə dəqiqə sonra qəzaya uğrayıb.

Hadisə nəticəsində binada yaşayan sakinlərdən xəsarət alan olmayıb. Binanın konstruksiyasına ciddi ziyan dəymədiyi bildirilir.
 

Qəzanın səbəbi araşdırılır.