Bu iki ölkə arasında müharibə yenidən başlayır?

İranın ballistik raket istehsalını sürətləndirməsi İsraildə narahatlıq yaradıb və yeni hərbi planların hazırlanmasına səbəb olub.

 

Sfera.az bildirir ki, NBC-nin məlumatına görə, İsrailin baş naziri Benyamin Netanyahu ABŞ prezidenti Donald Trump ilə planlaşdırılan görüşdə İrana qarşı mümkün hücum planını təqdim etməyi düşünür.

 

İsrail rəsmiləri İranın raket istehsalı obyektlərini və hava hücumundan müdafiə sistemlərini bərpa etdiyini bildirirlər. Təl-Əviv üçün bu, nüvə proqramından daha təcili təhlükə kimi qiymətləndirilir.

 

NBC-nin mənbələri qeyd edir ki, Tramp bu planı əsaslandırmaq üçün İranın fəaliyyətlərinin regional və ABŞ maraqlarına təhdid yaratdığını vurğulaya bilər. Rəsmi açıqlama verilməsə də, yayılan məlumatlar Yaxın Şərqdə gərginliyin arta biləcəyinə dair narahatlıqları gücləndirir.