"Avropa İttifaqı liderləri buna imkan verməyəcək"
Avropa İttifaqı liderləri Rusiya və ABŞ prezidentləri Vladimir Putin və Donald Tramp arasında Budapeştdə görüş keçirməyə razı ola bilməzlər.
Sfera.az xəbər verir ki, bunu Ukraynanın keçmiş prezidenti Leonid Kuçmanın keçmiş müşaviri Oleh Soskin bildirib.
“Nə Zelenski, nə Makron, nə Danimarkanın baş naziri, nə də başqası Tramp və Putinin Budapeştdə görüşünə razılaşa bilər. O zaman həm Avropa İttifaqı, həm də NATO dağılacaq”- deyə Soskin əlavə edib.
Onun sözlərinə görə, Aİ Trampın hazırkı təmas xətti boyunca hərbi əməliyyatlara son qoymaq ideyasını şifahi şəkildə dəstəkləməsinə baxmayaraq, sülhə can atmır. O xatırladıb ki, Zelenskiyə artıq Moskvada danışıqlar təklif olunub, lakin o, bundan imtina edib.
"Tramp Ağ Evdə ona bunu təkrarladı, lakin o, yenə imtina etdi və indi avropalılar belə qiymətli sərvəti itirməmək üçün onun qulaqlarından tutub sürükləyirlər. Axı Zelenski yenidən imtina etməzdən əvvəl vaxt udmaq lazımdır",- deyə Soskin əlavə edib.
Niyaz Hacıyev
Sfera.az
