Fırtına iki gün ərzində “Everest”də 1000-ə yaxın insanı təcrid edib
Dünyanın ən hündür dağı yaxınlığında baş verən təbii fəlakət ərazidə olan 1000-ə yaxın insanın dünya ilə əlaqəsini kəsib. Çindən olan xilasedicilər insanlara çatmağa çalışır, lakin hələlik onların yalnız bir hissəsi təxliyə edilib.
Sfera.az xəbər verir ki, Çin tərəfindəki Tibet yamaclarında xilasetmə işləri təxminən 24 saatdır davam edir.
Qarla örtülmüş marşrutları təmizləmək üçün yüzlərlə yerli sakin və xilasedicilər cəlb olunub. İşlərin aparıldığı ərazi dəniz səviyyəsindən 4800 metrdən çox yüksəklikdə yerləşir.
Məlumatda o da qeyd olunur ki, dağdan bəzi turistlər artıq təxliyə edilib. Yerli turizm şirkəti “Tingri County Tourism Company”nin Çin sosial media platforması “WeChat”dakı yazılarına görə qar yağışı cümə günü axşam başlayıb və şənbə günü də davam edib.
Fırtına üç gündür davam edir.
Bilet satışı və Everest turizm zonasına giriş şənbə günü axşamdan dayandırılıb. Bununla belə, fəlakət artmaqda davam edir — Nepalda leysan yağışları yolları bağlayan, körpüləri dağıdan və ən azı 47 nəfərin həyatına son qoyan sel və torpaq sürüşmələrinə səbəb olub.
Hindistanla həmsərhəd olan Şərqi İlam rayonunda ayrı-ayrı torpaq sürüşmələri nəticəsində 35 nəfər həlak olub. Daha 9 nəfər sel suları nəticəsində itkin düşüb, 3 nəfər isə ölkənin digər bölgələrində ildırım vurması nəticəsində həlak olub.
Aynil
