İtkin düşən qız 15 ildən sonra onu axtaran polislə nişanlandı
Yeniyetmə ikən evdən qaçan Tennessi ştatının Cekson şəhərindən olan Roşin Əli illər sonra onun axtarışında iştirak edən polis məmuruna aşiq olub.
Sfera.az bildirir ki, yeniyetmə qız 13 yaşında həyatından qorxaraq evdən qaçıb. Bu zaman atası ailəni hədələyirmiş. Polis itkin düşən qızı axtarmağa başlayıb. Polislər arasında taleyin 12 il sonra Əlini yenidən qovuşduracağı adam Tayler Şrupp da olub.
Normal həyata qayıtdıqdan sonra yetkin Roşin şerif şöbəsində iş tapıb. Orada ilk dəfə Şruppla tanış olub, bir vaxtlar onun xilas edilməsində iştirak etdiyindən xəbərsiz olub.
28 yaşlı Roşin xatırlayır: "O, mənə baxırdı, amma bir söz demirdi".
Tayler özü onun çox yaraşıqlı olduğunu düşündüyünü və onunla danışarkən özünü yöndəmsiz hiss etdiyini etiraf edib. İkisi danışmağa başlayanda Əli onun keçmişi haqqında danışıb və polis nə vaxtsa onu axtardığını başa düşüb.
"Biz tarixləri və yerləri birləşdirdik və anladım: mən bu hekayənin bir hissəsi idim. İnanılmazdır - o vaxt mən onu axtarırdım, indi də birlikdəyik"-deyə Tayler bildirib.
Milyonlarla baxış toplayan TikTok videolarında Roşin uşaqlığının necə zorakılıqla keçdiyini təsvir edib. Onun sözlərinə görə, qumar aludəçisi olan atası ailəni öldürməklə hədələyib. Evdən qaçdığı gün bacısını döyüb və analarına hücum etmək istəyib.
Roşin və qardaşı pəncərədən atılaraq xilas olublar. Ertəsi gün onlar tapılaraq himayədarlığa verilib.
“O zaman qaçmasaydıq, sağ qalmazdıq” deyir.
İndi Roşin və Tayler nişanlıdırlar və beş aylıq bir oğul böyüdürlər. Onların hekayəsi Əlinin bir polis məmuru ilə əl sıxışdığı videodan sonra internetdə yayılıb: “İtkin düşəndə məni axtaran məmur”.
Paylaşım 5 milyondan çox baxış toplayıb və istifadəçilərin ürəyincə olub.
"Biri yazıb ki, o, mənim qəhrəmanımdır. Bu da doğrudur"- deyə Roşin bildirir.
Aysel
